這個聖誕....四週去不同的商場影相時....在新都城見到一隻座地大笨象的裝飾....嘩嘩嘩...即是 recall 了我少女時期因發育而遇到的點滴~
幾曾何時...我也是少女一名 (唏噓中...)....由升上中一開始....看到身邊比較早熟的女同學胸部漲起來....每個月出現月事突然到訪....晝面是先尖叫後直衝入洗手間...要好的女同學便會幫手去校務購買衛生用品~ (嘿...果然肝膽相照!)
比較遲熟的我...在中一的下學期才開始發育....同班的同學 H 有一天在小息時偷偷問我:
H: 喂 the8....你0黎 M 未呀?
8: 上 2 個月開始0黎0左喇....
H: 夾住塊0野係中間你覺唔覺得好唔慣呀?
8: 覺呀覺呀!
H: (入戲肉了!) 咁你識唔識用衛生巾呀?
8: 嗄???? 點識唔識用呀? 咪就咁 meet 開佢貼落去囉~
H: 嗄???!!!!!! 乜你識分底面咩?
8: (開始感到不妙) 嗄!!!!!!!!!!!!!!!!!!!!!!!! 其實你想講乜呀?
H: 我呀...第一次用時唔識分底面....將黏貼果面貼0左落自己到...............
8: (都未聽晒已經大叫0左一聲!!!) 哇~~~~~~~~~~~~ 咁咪好痛囉?
H: (猛點頭) 係呀係呀痛到流眼淚水呀!
這祗是我中兒童踏入少女時期的掀幕....
.
.
.
.
.
有一天...同學 H 又趁小息來個 ad-hoc 發育疑問的 short meeting 喎!
H: 喂 the8....你有冇戴胸圍呀?
8: 無呀!
H: 咁你諗唔諗住戴呀?
8: 點解要帶呀?
H: 咁個胸開始大咪要戴囉!
8: 原來係咁...
H: 你睇我有帶咖!
8: (昅了一昅) 係喎....你媽咪買俾你咖?
H: 唔係呀...我偷媽咪果 D 戴咋!
8: 哦.....
.
.
.
.
.
於是當天放學回家沖涼後...我又學人走去剿媽媽 D 胸圍喎....媽媽的 size 當然比我大....左剿右剿....剿了個我認為最小的 size 往身上戴喇!
.
.
.
.
.
第二天...我又同 H 互相 update 情況!
8: 喂我偷0左媽咪個胸圍帶呀!
H: 係???? (昅了一昅)
8: 但係唔多0岩身呀~
H: 係咖...不過無辦法喇鬼叫我0地無錢買咩!
8: 嗯....
.
.
.
.
.
當天晚上....天網灰灰疏而不漏下....媽媽居然發現我偷胸圍戴一事喎.....被 "盤" 的我唯有一五一十的講出 H 和我的對話喇!
媽: 你要戴咪同我講囉...攞我果 D 都唔0岩 size ...著壞你呀!
8: 哦....
結果第二天放學....媽媽帶了我去黛安芬...買了好多個當時好出名的少女 line - we're the bee bees 純棉白色的胸圍....我還記得是無 pad 過頭笠的那款~
.
.
.
.
.
戴上人生第一個屬於自己的胸圍回到學校...當然要與啟蒙我的 H 分享分享喇!
8: 喂呀...尋日媽咪發現0左我偷佢 D 胸圍著呀!
H: 嗄咁點呀佢有冇鬧你呀?
8: 冇喎...但佢話我要戴仲乜唔同佢講囉!
H: 跟住呢?
8: 跟住佢帶0左我去買0左幾個 we're the bee bees 囉! (順手掀開衣領讓 H 昅一昅)
H: e...係喎....你就好喇有自己既胸圍~
8: 你都同你媽咪講喇....媽咪話著佢0地果 D 會著壞個人咖!
H: 唔....我驚媽咪鬧我呀~
沒多久... H 卒之都擁有自己的胸圍....不過她好失望不是 we're the bee bees 喎~
我媽媽可能太開心家中有女初長成....開始瘋狂的買胸圍給我~ 由買第一個胸圍開始...一個月的時間也不夠....那時我祗要打開櫃桶...都是滿滿的一排純白色的胸圍....可能媽媽自己開始睇厭喇....於是開始買淡粉紅色的胸圍給我......沒多久她又厭了淡粉紅色....又買些其他款色給我喎!
.
.
.
.
.
有一天放假....換衣服落街去飲茶喇.....套上白 T-shirt 後準備梳頭....在鏡前面我好比見鬼一樣 (查實我未見過鬼喎點解會咁形容呢?)....尖叫了出來!!!!!
之後以極速跑去媽媽跟前....氣衝衝的指著心口~
8: 媽咪你睇!!!!
媽: 睇乜呀?
8: 你睇我呢邊心口!!!!
媽: 你心口仲乜呀?
8: 你見唔見到隻大笨象呀!!!
媽: eeee...係喎! 見到咁又點呀?
8: 你仲乜買個咁既胸圍俾我呀?
媽: 得意呀嘛!
8: ........................... (死死氣回房換衫)
這個令我尖叫及刻骨銘心的胸圍...透過白 t-shirt 上阿水都清楚的見到...在左胸上印有一隻粉藍色的大笨象...兩腳站立...右手逍遙的在揮來揮去...左手拉著一抽七彩的氣球....而且隻大笨象個咀仲係笑咪咪好自由奔放的樣子呀!!!! (跟圖中的大笨象的笑臉有九成相似....不過佢無著鞋赤腳奔跑同係粉藍色囉! )
.
.
.
.
.
可能是因為大笨象引來的童年陰影....長大後自己購買的所有胸圍...一律謝絕有圖案在上面....淨色方為王道!
年紀大....嗄嗄換衫時尖叫心臟頂唔順咖嘛!
嘿嘿....趁著佳節....就讓這隻大笨象和大家說句 Merry Christmas !
文章
